Arrangementet “Berekraftig klimatilpassing av det bygde miljø - korleis få fart på arbeidet?” i Bygg Arena Arendal 18. august, i regi av Noradapt, Sintef og Grønn Byggallianse, handla det om utfordringar og mogelegheiter med berekraftig klimatilpassing.
Frå samtalen i Bygg Arena Arendal. Senterleiar Carlo Aall er nr. 3 frå venstre. Foto: Eivind Brendehaug
Korleis kjem ein forbi flaskehalsar og barrierar?
Kva skal til for å få fart på arbeidet?
Målgruppa var kommunar, på taktisk og strategisk nivå, og avgjerdsstakarar på høgare nivå, i heile klimapolitikkfeltet.
Tre innleiarar frå Noradapt
Dei tre forskarane frå Noradapt si leiargruppe heldt kvar si innleiing:
Kva betyr berekraft i klimatilpassinga? Carlo Aall, Vestlandsforsking og leia av Noradapt
Berekraftig tilpassing i praksis - korleis kome i gang med arbeidet? Hanne Kvitsand, forskar i Sintef og leiargruppa i Noradapt
Norsk klimamonitor – kor langt har vi kome? Eivind Brendehaug, Vestlandsforsking og nestlleiar av Noradapt
Nye krav til klimatilpassing i EUs taksonomi og BREEAM-NOR Katarina Bramslev, dagleg leiar i Grønn Byggallianse
Moderator: Siri Blakstad, konserndirektør i Sintef Community
Korleis kan politikarar bidra?
I tillegg omfatta arrangementet ein halvtimes samtale mellom politikarar og innleiarane om korleis politikarar kan bidra til ei meir berekraftig klimatilpassing. Denne samtalen tok utgangspunkt i at klima- og miljøministeren nyleg kunngjorde at dei startar opp arbeidet med ei ny stortingsmelding om klimatilpasning. Riksrevisjonen sin rapport viste òg nyleg at myndigheitene ikke har iverksett tilstrekkelege tiltak for å klimatilpasse busetnad og infrastruktur.
Sentrale spørsmål var kva for tiltak som var nødvendige for å styrke samfunnet si evne til å tilpasse seg til framtidas klima og korleis myndigheitene kan bidra til å styrke kommunane i arbeidet med klimatilpassing på lokalt nivå, og i tillegg: Kven bør ha ansvaret for å handtere tilpassing til grenseoverskridande klimarisiko?
– Næringslivet har mindre merksemd på behovet for tilpassing til eit klima i endring enn offentleg sektor, seier Eivind Brendehaug, nestleiar i Noradapt.
– Det var et vell av klimaarrangement under Arendalsuka, men som i klimadebatten elles og i klimaforskinga, var temaet klimatilpassing klart i mindretal. Det same gjeld eit kritisk blikk på koplinga mellom klima og berekraft. Difor var det viktig å kome opp med eit arrangement som reindyrkar desse to forholda: Løfte fram klimatilpassinga, og rette eit kritisk lys på klimatilpassing og berekraftig utvikling, seier senterleiar i Noradapt, Carlo Aall.