Tre av Noradapt-partnarane har gjennomført ein studie av barrierar for klimatilpassing på lokalt og regionalt nivå. I Noradapt-timen 26. august får du høyre meir om funna i rapporten Vestlandsforsking, Cicero og Nordlandsforsking har levert til Miljødirektoratet.

Forskingsprosjektet Gotheca dreier seg om smeltevatnet som oppstår når isbrear krympar og korleis det verkar inn på områda og næringane rundt breane, m.a. i form av svingande vassføring i elvar og større fare for jøkulhlaup. Kunnskapen frå prosjektet skal gjere det lettare for lokale styresmakter å tilpasse seg framtidas situasjon.